Bókasafnið er til húsa í Nýheimum.

Hægt er að panta bækur símleiðis í síma 470-8050 eða í tölvupósti menningarmidstod@hornafjordur.is.

Lesstofa bókasafnsins
Lesstofan er opin á sama tíma og bókasafnið. Aðstaðan er opin þeim sem vilja njóta næðis við lestur og skriftir. Í lesstofunni gefst gestum safnsins tækifæri til að nota handbækur og annað efni sem ekki er ætlað til útláns.

 
Bokasafn-Hornafjardar
 
Heradsskjalasafn

Héraðsskjalasafnið skal vera aðalgeymslustaður fyrir skjöl bæjarstofnana.

Þjónusta við almenning felst m.a. í að svara fyrirspurnum úr skjölum og aðstoða gesti safnsins. Enn fremur tekur safnið á móti einkaskjalasöfnum frá einstaklingum, félögum og fyrirtækjum í héraðinu.

Listasafn Hornafjarðar opnaði við hátíðlega athöfn föstudaginn 24. Júní 2011. Safnið er staðsett við Ráðhús Hornafjarðar í gömlu slökkvistöðinni og opnunarsýningin var á verkum Svavars Guðnasonar en bænum var færð ómetanleg gjöf frá ekkju Svavars, Ástu Eiríksdóttur.

 
Listasafn-Svavars
 
Byggdasafn

Sögu Byggðasafns Austur-Skaftafellssýslu má rekja allt til ársins 1964 er sýslunefnd kaus fimm manna nefnd til að vinna að undirbúningi safnsins. Byggðasafninu var svo valinn staður í Gömlubúð þar sem hún hafði verið færð frá hafnarsvæðinu og að Sílavík árð 1977. Húsið var flutt 13.júní 2012, aftur við Hafnarvík þar sem það stendur nú og er nýtt af Vatnajökulsþjóðgarði sem upplýsingamiðstöð.

Safnastefna og stofnskrá Hornafjarðarsafna frá því 2013 kveður á um þau markmið og vinnulag sem sett hafa verið innan safnsins til næstu 10 ára. Innan þessarar stefnu er lögð rík áhersla á að Mikligarður verði höfuðsafn Hornafjarðarsafna til framtíðar.

 
Náttúrugripasafn-og-Jökulheimar_mynd